ဂန္ဓမာ သောင်းရီ
“သေရဲတယ်ဆိုတာ
အပြောသာလွယ်တာ
သေပြီးရင်ရှုံးသွားတာပဲကွ.....
ဘာမှဆက်လုပ်လို့မှမရတော့ဘူး
မသေအောင်နေမှ
နိုင်တာ..မင်းသိလား”
မရှုံးစေနဲ့ညီကိုတို့
ဂန္ဓမာသောင်းရီ (The Guys Of Rangoon)
ခင်ဖုန်းသက်ဝေ ဂယ်လာရီ
လွမ်းစရာရှိလို့ ကျွန်တော် မအားသေးကြောင်း ပြောလိုက်မိပါတယ် ခင်ဖုန်းသက်ဝေ ။ မေနဲ့ သြဂုတ်မှာ အရင်လေတွေတိုက်ရင် အရင်ပန်းတွေပဲ ပွင့်ကြဦးမှာပါ။ လိုအပ်ရင် ပန်းအသစ်တွေ လဲပေးဖို့ ဘယ်သစ်ပင်ကိုမှ ကျွန်တော် မတောင်းဆိုချင်ပါဘူး။ အပြည့်အဝ လွမ်းခွင့်ရတာဟာလည်း လူဖြစ်ကျိုးနပ်မှု အခက်အခဲတစ်ခုပါကွယ်။ ခင်ဖုန်းသက်ဝေ ကြားလိုက်လားတော့မသိဘူး တချို့ဆို တိုးလျှိုပေါက်ကြီးကို ပုန်းညက်ပန်းလေး ဖြစ်သွားကြတာလေ။ လမ်းဘေးက အချိုရည်ဘူးခွံလေးကို ပိတ်ကန်ပစ်လိုက်မယ်။ လမ်းလျှောက်ရင်း ကြော်ငြာဆိုင်းဘုတ်တွေ ဖတ်မယ်။ သတ္တိရှိချင်ယောင်ဆောင်ပြီး စပယ်ယာကို ဘုကြည့်,ကြည့်မယ်။ အားလုံး လွယ်လွယ်လေးပါ။ ဖယ်ဒရယ်ပြည်ထောင်စုကြီးတည်ဆောက်တာက အစ ရှမ်းကိုးမီးဝိုင်းက ကျင့်ဝတ်ဆိုင်ရာပြဿနာတွေ အထိ လွယ်တတ်ပါတယ်။ ဒေါသရော အတ္တရောကြီးတဲ့ကောင်တွေ မျိုးသုဉ်းသွားဖို့ရေးအထိ လွယ်ကောင်းလွယ်နေနိုင်ပါတယ်။ စိုးရိမ်ထိတ်လန့်နေတဲ့ အစွမ်းအစ အမျိုးမျိုးကို ပိုင်ဆိုင်ဖို့ လွယ်ပါလိမ့်မယ်။ ဆင်ခြင်တုံတရားကို ချရေးဖို့ ပို့(စ)ကတ်လေးတစ်ခု ရှာရတာ လွယ်ပါလိမ့်မယ်။ အို... အားလုံး လွယ်ကောင်းလွယ်နေကြပါလိမ့်မယ်။ "စံပယ်ဖြူ တုံးခါမှ ခင်ဖုန်းသက်ဝေရယ် ဘယ်စိတ်လည်လို့ ပေါ်လာပြန်...
Comments
Post a Comment